يوميات الاعضاء

اليوم: الاثنين 4-5-2009
اول شي صحيت على الساعة 9 ونص طبعا لعد ما انبح صوت امي وهي تصحي فيي وتنادي علي(ولك قومي الدنيا صارت العصر يلاااااا)
بعد نص ساعة يعني على الساعة 10 قررت اقوم .. بس لاني شميت ريحة قلاية بندورة على الغاز بصراحة الريحة اغرتني

بعدين طلعت على البلكون عشان اشوف الجو .. ويا ريتني ما طلعت! ندمت .. كان الجو مغبر كتييير وما في اكسجين بالمرة
المهم رحت رتبت الدار على السريع السريع عشان اقعد على النت واصبح على الجميع بس انصدمت باني ما لاقيت في كهربا من الساعة 6 الصبح

حاولت ابلش حالي بأشياء حتى ما ازهق لانو الجو كان مكتم
بس ما لاقيت اشي بيستاهل ابلش حالي فيه الا النوووووووووم
رحت نمت .. للساعة 11 ونص بعدين قررت اخلص دراستي عشان ارتاح من هالهم
ضليت ادرس لبعد اذان الظهر بنص ساعة ... وفجأة رن الجرس
طلع ابوي .. مروح بكير من الشغل (يا لهوي!) وجود ابوي مصييييبة الصبح
لانو بجمع نسلوان العيلة عنا بالبيت لبعد صلاة العصر
بس لحسن الحظ كلن نعسان وتعبان فما بلش بهاي الشغلات ابدا
.
.
.
الكهربا لسه مقطوعة
رحت نمت حتى جهز الغدا (ملوخية) بس زاكية هاي المرة
تغدينا وحمدنا الله

رحت جليت الجليات وناديت بنت عمي وقعدنا نجرجر لصلاة العصر
بعدين كملت دراستي علاخر .. واجت الكهربا اخحيرا وقعدت على النت وقاعدة هلأ ( 7 ونص) بكتبت بيومياتي المملة جدا جدا جدا

على فكرة هاد اكتر يوم بكون فيه زهقانة
انا خايفة تكونو مليتو
معلش .. الله بعين
الدور لطويق

مع السلامة