طلاب جامعة أل البيت

السلام عليكم

حبيت ابلش مواضيعي بهاض المنتدى بالمشكله اللي كدرتني وهلكتني وهدت حيلي لاربع سنين مضت وهيه دراستي في جامعة ال البيت
انا ما بتذمر اني درست بالجامعه بالعكس انا بفتخر فيها وتخصصي فيها تصنف فيه ال البيت ال3 على المملكة بقوة تدريسة ولكن!!!
المواصلات!!! يا ناس حرام
ولاد الرمثا تبهدلو بمواصلات المفرق وجامعة ال البيت
بدك تطلع الصبح ما بتخلص من العساكر اللي بدافشو وبدك تدافش معهم بدفشوك بجيبوك بمطعم العرجاي والبنات يا عيني اللي محاضرتها على ال10 بتسري من الخمسة الفجر عشان تطلع بباص الساعه 9
الخط مافي الا 4 باصات وسمسار الخط اللي هون بدوي مش رمثاوي يقدر حالتنا ويقدر وضع الرماثنة همو الباصات وما يحول الا عند الضرورة القصوى شو نساوي؟؟؟ روحو اشتكو للمحافظ والمتصرف وابصر مين
طبعا خلال ال4 سنين صرنا مشتكيين لكل المسؤولين وما حدا لاقالنا حل والحمدلله
ممنوع ابن الرمثا يشتري باص على الخط: هههههههههههههههههههههههههه ليش؟ خط المفرق محتكر لابناء المفرق فقط يا سلام وما حدا من ابناء المفرق راضي يشتري باص على الخط (يكثر خيرهم)
قلنا ماشي صرنا نطلع بباصات الكيا والميكرو بضعف الاجرة السماسرة صارو يجيبولنا الشرطه عشان يخالفونا
وصلنا المفرق بعد ما يخنقنا الباص بالدخان ويكسرنا بكراسية المطبشه
اعلق بباصات خط الجامعه يا بتستنى سنه يا بترجع تحاشك من اول وجديد
وصلنا الجامعه وداومنا وخلصنا بدنا نروح حرام؟؟؟
طبعا اهل اربد باصاتهم بتيجيهم لباب الجامعه اما الرماثنه لازم يستنو السمسار يحول كل 5 ساعات باص لمجمع الشمال (مجمع الفلاحين) كما يحلو لابناء المفرق تسميتو
وعلى الاغلب السمسار ما بحول ولازم نركب بباصات توصلنا لمجمع عمان الزرقا ومن هناك منزخذ كمان باص لمجمع الشمال
وهون المصيبه
من خلال 4 سنين والحمدلله بعمري ما وصلت المجمع ولقيت باص فاضي او بستنى
70% من ترويحاتي بتكون بطلع بباص اربد وبنزل على الجسر من وهناك بروح بباص الرامثا اربد واللي ما بعجبو يستنى كل 3 ساعات بيجي باصات واللي بركبوه اهل حوشا والبويضه والحمرا اللي على طريق الرمثا بمناسبة انهم كلهم بداومو بطريبيل وبتعبو اما احنا طنطات هيك مره واحد قلي
ومنوصل الرمثا ومنبوس الارض اول ما نوصل والحمد الله

اقسم بالله العظيم كل ما اوصل على الطريق بلدية الرمثا تستودعكم السلامه بقول اعوذ بالله من الشيطان الرجيم واني راجع اشوف بلدية الرمثا الجديدة ترحب بكم بقول الحمدلله رب العالمين )

واني الفصل هاذ خريج ترا وما بداوم غير اثنين اربعا وبديش اداوم هههههههههههه
راحت على السنه الاولى والثانيه الله يعينهم وقلبي معاهم والله
)

ابصملك على العشرة بصحة الكلام والله يفرج همنا وهم كل الرماثنة الموجودين في جامعة ال البيت وما بقدر احكي غير هنيالك يا خريج واقلك شغلة واعتبرها امانة من اخوك احمد انك بس تخلص تكسر جرة على باب الجامعة وبس ...............

الله بيعين يا مساكين

من طول عمرنا منتحمل خلص اتعودنا!!!!!!!!!!!!!!!!!!!!!!

يا شباب في سبيل العلم كله بيهون شو مالكوا معطينها اكثر ما بتستاهل؟
بكرة بتشتاقو لريحة الماعز
صح؟
احم احم اسفه

شكرا للجميع على الردود صراحة اثلجتو صدري هههههههههههههههههههه
ابو عايد: سقالله ايامك بالجامعه والله الرماثنة كنا النا عز هذيك الايام والنا كلمة ومسموعة وهسه ياخوي طاسة وضايع غطاها قلبت خندريسة والله يخوي والشاطر اللي بدو يطلع على ظهر الثاني بس اهم اشي اسم الرمثا فوق واحنا ما قصرنا

ابو طويق: المسيرة الكو انتو وانا شايفكو وضعكو كويس شدو حيلكو والله يوفقكو احنا خلص عيدنا هالشهرين وبخلص وبدي اكسر وراي 1000000000000000000000000000000000 مليون جرة

ابو منيص: هلا فيك حبيبي رغم عمرك الصغير لكن واضح انو شخصيتك قوية وقيادية الله يوفقك حبيبي

ابو سقار : الله يسعدك والله يهونها على الجميع انشاء الله

رمثاوية غيورة: هلا فيكي اختي وبالرغم من انو ردودك فيها نوع من الاستخفاف بهموم الناس الثانيين ولكن بتضلي انتي بنت الرمثا اللي بنرفع راسنا فيكو انشاء الله والله يا اختي الموضوع مش انو العلم او انو نشم ريحة الماعز والخرفان لكن الموضوع انو احنا ولاد الرمثا تربينا نكون مرتاحين وتربينا نكون ولاد عالم وناس ما تعودنا على البهدلة ولا الشحشطة عشان هيك الوضع في هاي الجامعة متعب وهاي هي كل القصة وشكرا الك

ابو دردور: الله يسعدك والله انك رمثاوي وبنرفع فيك الراس وانشاء الله تنفرج هموم الكل امين يا رب العالمين

رمثاوي اصلي: ردودك نارية وقوية اخوي وانشاء الله ينفرج الهم ونرتاح كلنا

وشكرا للجميع

الله بيعين يا أخ مهند وكله هذا في سيبل العلم وإن شاء الله ما بيضيع تعبك ولا تعب أي حدا
الله يوفقك

الله يعينهم

لو في بس شوية فلوس زيادة كان اشتريت سيارة او اقل ما فيها كان رحت على أوكرانيا ودرست الطب .. هناك اريح اشي .. ما في داعي للمواصلات .. حتى ما في داعي تروح على الجامعة اصلا

قصة بتحزن يا ريت تستمر بيها
نحنا بجنبو باصات التكنو مرفهين غير شكل وبتلاقي دايما ال البيت طابور والمشكله ولا باص
الله بعينكو اركبو بميكرو

اهلا وسهلا بالجميع من جديد
حبايبي الرماثنة انا هون بالمقال ما قصدت اقلل من قدر اخوانا بالمفرق ولكن كنت بحكي عن معاناة طلاب الجامعة من الرمثا وبس. وبالنسبة للأخوان اللي ردو أخيرا على الموضوع شكرا الكو للمرور والتعليق اولا وثانيا يا اخوان انا قمت بحذف احد الردود وعدلت على تعليقين احنا هون مش جايين نهاوش حدا الله يسعدو الاسامي واضحة وبلاش نغير فيها خلينا اخوان واحباب ومبسوطين من بعض

لله درك يا رمثاء شامخة

تع