زعبي وفلاحي

السلام عليكم
ممكن اي احد في المنتدى يحكيلنا ايش اصول الانقسام الشكلي - فقط شكلي - في حمائل الرمثا بين زعبية
وفلاحية؟
اذا حد بيعرف ومن مصدر موثوق منه او قصدي مصدر تاريخي رصين... ممكن يحكيلنا وييفيدنا؟
الهدف فقط المعرفة فقط لا غير
شكرا

هذا موضوع فتنة

هو احسن اشي انســـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــى

اهم اشي الكل رمثـــــــــــــــــــــــــــــــاوي
اقلب اي حجر بتلاقي تحتي رمثاوي
هههههههههههههههههههههههههههه

يا جماعة نحنا بالرمثا ما عندنا مصالح, ليش هيك بنعتقد؟ نحنا شعب مخيار وسباق للمساعدة بس لولا
انه دخلت البهرجة لنمط تفكيرنا الاسلامي العربي الاصيل. نحنا كشباب معطاء هون بهاد المنتدى ممكن اننا نساعد
على نشر الوعي الثقافي المتحضر ونبذ الكراهية وال" مصلحجية" صح؟ دردور كثير بحترم رايك انه لازم ما نهمش
بعضنا البعض لمجرد انه ينتمي لعشيرة او منطقة معينة اول على اخر نحنا رماثنة . اخي منايصة: اقلب كل حبة تراب
بتلاقي قلب رمثاوي رجولي اصيل مش كل حجر
احكييلك على فقولة ابوي يلعن ابو اللي مهو رمثاوي... اسفه عالكلمة
بس جد لو بنتطلع على المجتمع الرمثاوي من بعيد كان حسينا بقيمة بعضنا وعرفنا انها مشكلة شكلية فقط لا اكثر والحمدلله

يا جماعة كلنا بنعرف هاي الامور من الاسباب إللي عملت مشاكل بالرمثا وإنتوا بتعرفوا أكثر مني والمشكلة انه الرمثا عبارة عن شبكة
يعني هذا متجوز من هذا فلاحي ماخذ زعبية أ, زعبي ماخذ فلاحية
يعني كلنا أصلنا رماثنة
يعني لو دققنا بتلاقي كلنا قرايب
فا أنا بقول بيكفي إنه إحنا كلنا رماثنة والحمدلله إنه كلنا رماثنة

اخ thuglife
انا برايي نحنا جيل الشباب لازم نطمس هاد الموضوع
والله كلمة رمثاوي احلى من الثنتين كان زعبي ولا فلاحي

وانا كمان كان قصدي إنه خلينا ننسى هاي الامور أحسن
وكلمة حلوة يا غيورة كلنا جيل السباب لازم نطمس هاي الاممور
والله مع أحترامي للجميع

الله يحيي اصلك اخي
نعم لمستقبل زاهر ورمثا متوحد

والله البفكر هالتفكير بعتبرة متخلف مع احترامي للجميع ......

ومشكورة يا رمثاوية انك طرحتي هالموضوع بالمنتدى ...

أخ هكر مشكور على الرد
وانا بضم صوتي لصوتك صار لازم يتلاشى شعار زعبي فلاحي بالرمثا صح؟
الله يحيي اصلك ياارمثاوي

يا جماعة المعرفة بهيك مواضيع مش عيب
ابو بكر رضي الله عنه
كان مختص بعلم الرجال والانساب وكان الرسو صلى الله عليه وسلم ياخدو معو كرمال يعرف
واشي كويس الواحد يعرف
والرمثاوية حكت الهدف المعرفة والمعرفة مش عيب
خلينا نكون اوعى
مشكووووووووووووورة اختي رمثاوية

sisy, thanx for showing what I meant and giving a proof on it
from the life of our Prophet Mohammed - Peace Be Upon Him.
في الحقيقة نحن في نقاش عابر انا واخي هكر وأخي نصر
بس الاخ هكر حب يبين رايه من ان من يؤمن بمثل هذه
النزعات القبلية والعشائرية هو مجرد متخلف عن الركب
بشكر مرورك وتفضلي نعزمك على منسف رمثاوي بيجننننننننننننننننننننن
ولا شو شباب؟
حي اصلك

يا أهلا وسهلا

قال رسول الله صلى الله عليه وسلم : دعوها فانها منتنه

انا اعتقد ان من يؤمن بهكذا عنصريات هو انسان ؟؟؟؟؟؟ .. يحاول تغطية ضعفه بهكذا امور تافهه ... ؟؟؟

يكفي الى هنا ارجوكم ...وبنظل رماثنه .. شاء من شاء وابى من ابى..

لا شك فيه ان الموضوع حساس .. ولا داعي للخوض فيه اكثر .. ومساوئ الحديث فيه اكثر من الفوائد
والله من وراء القصد

والله اني براي انه عيب احنا نحكي بهاي الامور بلاش نعمل فتنة مع بعضنا

وزي ما قالوا الشباب فلاحي ولا زعبي والله كلنا قرايب

هلا عمي هلا هاي الرمثاوية اجتمعو عليي
الله يسامحكم
رمثاوية مشكووووووووووووووووووورة
واحنا كمان اردنية وبنعمل منسف تفضلي علينا عاربد
وبما اني من سال تعي نعزمك على منسف من
سالفرانسسكو
اه لعاد احنا مش قلال

يا كنج دوم أهلا وسهلا فيك وبأهل سال على راسي كل أهل سال والله

لازم ننسى هالقصة لأنها ما بتجيب غير وجع الراس و التمييز و نحن
الرماثنة كلنا مخيارين و شهمين فلاحيين كانوا و لا زعبيين

جد مش عارف شو ارد .. ويا ريت حد يفهمني:
1- رمثاوية غيورة اخطاتي بطرح الموضوع خطا كبيرا .
2- لغتك الانكليزية أحسن من العربية .. يعني طبشتي اللغة العربية بشكل يستحيل معه اني أصدق أنك انهيتي المرحلة الاساسية .
3- ارفع كل حجر وكل ذرة تراب ويلعن ابو يلي مو رمثاوي .. ... هذا حكي كبير عليكم ... نحنا قبل ما نكون رماثنة نحنا أردنية .. واذا بدكم الصحيح لفيت الاردن كلها .. وشفت انه كل الشعب الاردني مثل بعضه ومثل الرماثنة ويمكن احسن .. بس انتم لساتكم ما بتعرفوا اي شي جنوب المثلث .. غير الجامعة والمستشفى ...
4- الله يهديكم .... اكبروا
5- احكوا تع

اسمحولي ..

مجرد ذكركم ان فلان زعبي وفلان فلاحي تدخل في باب العنصرية وسمعة سيئة للمنتدى

وانا بمجرد قرأت الموضوع (( قبل ان يتم تعديله )) ترددت بالبقاء في المنتدى

وخصوصا بعض الردود العقيمة من قبل البعض حول اللعن على ما هو غير رمثاوي

وسيء هذا التفكير الذي يحمل هكذا كلمات

نحن اردنيين قبل ان نكون رماثنة واشكر الاخ المهندس على كلامه الطيب


يعني ما بدنا هالنقاشات العقيمة

وبالنسبة لصاحبة / صاحب الموضوع اقول موضوعك غير مناسب وسؤال الاستفتاء يثير الفتنة

والفتنة نائمة لعن الله من ايقظها

والله يديم المحبة بين الجميع

احسن اخي العزيز حمزة ... ولا فض فوك ...

شو يا جماعه مالكو هيك موضوع وانطرح ومش غلط انه الواحد يعرف السبب الي كان في نشوء هاي المساله لحتى نعرف ليش اكبارنا عملو هيك واحنا شو ذنبنا كشباب ومن نفس المنطقه نعاني من هاي المسأله اتو بتحكو انها شكليه لاكن بالعكس هي حقيقيه وليست شكليه والدليل واضح للكل وفي شباب واضح اكثر هسع اي شب بتسأله شو اسمك بقلك انا فلان الفلاني بمعنى ما بحكيلك اسم عشيرته الاصلي
على فكره انا ما بحب اخوض بهيك نقاشات لاكن لانه الموضوع مطرح حبيت احكي ولا نضحك على بعض العنصريه بينا كرماثنه موجود والكل بعرفها احنا في مشكله ولا زم نحلها ما نحكي انه مافي مشكله وتضل مثل ماهي هاض واقع موجود في الرمثا
لاتحكو انها بتظهر وقت الانتخابات مجرد ظهورها يعني انه في مشكله
احنا هون في المنتدى كم عضو موجود مشالله كثير خلينا نبدئ بنفسنا ونحث اهل بيتنا واصحابنا وكل واحد بنعرفه على ازالة هاي الشعارات
وسامحونا على الاطاله