وتتوالى المظالم على رمثانا (الشلالة)

السلام عليكم جميعا أخواني
والله من فترة ليست ببعيدة بسمع الحكي اللي بيدور بين الرماثنة عن انو منطقة الشلالة ستصبح محطة تنقية لمدن اللواء ومدينة اربد لانها أخفض منطقة ومكانها مناسب جدا لهيك مشروع. لكن انا بستغرب انو هل اللي قام بدراشة المشروع والقائمين عليه نسيو انو هيه المتنفس الوحيد لأبناء الرمثا وأهالي اللواء ولكل سكان اردننا الغالي؟؟؟
وثاني شي ما بيكفي التنقية اللي حاطينها بين مدينتنا الغاليه وبين مدن اللواء؟؟ والله صراحة كثير من الاسئلة بتتبادر لذهني وصراحة مش لاقيلها حل عن جد والله!!! هسه مين فينا ما راح الشلالة 100 او 200 مرة واللي بروحها كل يوم وكل اسبوع؟؟ مين ما اكل من تينها وسبح بالعين وشوا عالشفا ؟؟
مين ما اخذ اهله وراح يوم الجمعة بالعطلة وكان يوم للعمر؟؟ مين ما بتفاخر فيها ؟؟؟ مين بنكر انو الشلالة جزء لا يتجزأ من الرمثا وبعمرنا ما تخلينا ولا رح نتخلى عنو؟؟
اول شي ما صرنا محافظة! ثاني فتحو طريق من اربد على مستشفى العلوم على انو رح نضل تابعين لاربد!! ثالث اشي الباصات بالمجمع ما بتخدم الفئة الكبرى من ابناء المدينة رابع اشي الظلم بالتوظيف!! طيب وشو تاليها؟ بكرة بحطو بلدية اربد الكبرى ترحب بكم منطقة الرمثا؟ ههههههههههههههههههههههههه
أهم اشي لازم نعملة رحلة لأعظاء المنتدى للشلالة قبل ما تصير تنقية على الاقل عشان نعمق العلاقات بيننا ونتعرف على بعض أكثر انشاء الله مين بدو يروح يرفع ايدو او يسجل اسمو عندي وعلى قولة أخوي نصر البنات بنودين بباص كيا!! ههههههههههه

خالي مهند في عند نواب اثنيين احكولهم
ولا احنا نوابنا شغل ابصم وكل راحه لا بحلو ولا بربطو شغل كشخه وبس خليهم يورجونا شطارتهم بحل هاي القضيه
مثل قضية مستشفى الرمثا الي ولا حد كان داري عنها الى حد مازارها جلالة الملك وشاف الدمار الي فيها بعينه وين نوابنا كانو عنها يالله هاي اجتهم فرصه يعملو اشي للرمثا

والله يا نابليون طاسه وضايع غطاها ابو عمر اول شي الزلمة جديد وما الو معارف كثير ثاني والله ناويين نروحلو نقدم عريضه بالموضوع اما ابو حازم منته عارف الزلمة ما فات الرمثا من يوم ما نجح وكل شغلة للناحية مش النا

نواب

خلي الشباب يتعلمو من هاي التجارب صار لازم ناخذ قراراتنا بدينا مش بدين اكبارنا خاصة في هاي الشغله النيابه انتو الكل بعرف انه في الرمثا القاعده تقول الرجل الغير مناسب في المكان المانسب
مع احترامي الشدييد لنوابنا الجدد بتمنى انهم يغيرو هاي الفكره ويكونو بحق نواب لواء مش نواب عشيره
وهاي الفرصه اماهم لاثبات ذلك
اهههههههههههههه
الله يرحم جمرك الرمثا لما انتقل ماحد طالب بمنع نقل الجمرك الا الله يذكره بالخير النائب سليم الزعبي من لواء بني كنانه ونوابنا كانو لاحس ولاخبر بس شاطرين جابو خطوط باصات والي حط اولاده في مراكز مهمه
بعين الله الك الله يا رمثا

قولتكو الشلالة بتصير تنقيه؟؟؟