بعد طول انتظار!! مقابلة رئيس المراقبين عوني

إنه العضو والمشرف المتميز في منتدياتنا ، Aony23، أحبه الأعضاء ، والسبب يملكه هو وحده ، ربما لسعة أفقه ، وحسن سيرته ، وليونة ردوده ، ومنهجية كلامه ، دعونا نبدأ لقاءنا مع ضيفنا الكريم ، والذي نأمل أن يكون فيه العديد من المفاجآت والأمور المجهولة في شخصية Aony23.

منتديات أهل الرمثا:
اولا نرحب بك اخي عوني في مقابلة هذا اليوم

Aony23:
اولا شي اشكركم على هذه المقابلة وبعد الصلاة على النبي انا مبسوط فعلا بهذه الفكرة السباقة من الاخ مهند واخص بالشكر ايضا المدير ونائب المدير وكافة اعضاء منتدانا الغالي وانشاءالله اكون عند حسن الظن

منتديات أهل الرمثا:
نود منك أخي عوني ان تطلعنا على بطاقتك الشخصية

Aony23:
الاسم: عوني سلطان محمود الزعبي
العمر: 23 عام
العمل: صاحب محل كمبيوتر
الهوايات: الانترنت وكرة القدم وكرة الشدة ههههههههه

منتديات أهل الرمثا:
طلب منك بعض الأعضاء أن تتكلم بكل شفافية وصراحة ، وأن تجيب على الأسئلة المحرجة ، وطبعا ً لك حرية الإجابة على ما تراه مناسبا

Aony23:
انا موافق وعلى بركة الله ودوكرها ههههههههههههه
منتديات أهل الرمثا:
حدثنا عن بدايتك مع منتديات اهل الرمثا وكيف كانت؟

Aony23:
اجاني ايميل على البريد الخاص واشتركت ونسيت الموضوع فاصبح المدير يبعث برسائل وقمت بالتطنيش في بداية الامر وفي يوم دخلت المنتدى ورأيت الاعضاء والردود والمواضيع واستمريت

منتديات أهل الرمثا:
برأيك الى اين يتوجه المنتدى، وما هي رؤيتك المستقبلية له؟

Aony23:
المنتدى يتوجه الى رفعة مدينة الرمثا واهل الرمثا والقائمين عليها وبالنسبة للمستقبل انشاءالله غير يكون من افضل المنتديات على الانترنت وعلى الساحة الاردنيه خصوصا

منتديات أهل الرمثا:
بارك الله فيك

Aony23:
الله يبارك بعمرك
منتديات أهل الرمثا:
لماذا اخترت مجال الكمبيوتر وان تفتح محل للكمبيوتر؟؟

Aony23:
اول شي هي كانت عبارة عن هواية شخصية وتطورت لتصبح ان درست صيانة كمبيوتر وتمديد شبكات وطبعا عملت بهذا المجال تقريبا لمدة سنتين والحمدلله وفقني رب العالمين وفتحت محل الكمبيوتر
منتديات أهل الرمثا:
بتربح كثير؟؟

Aony23:
حسب الزبون هههههه عنجد في ناس نتفين وفي ناس ماشاءالله بايعينها براس مالها

منتديات أهل الرمثا:
نريد منك ان توصف لنا مشاعرك تجاة مدينة الرمثا التي احتضنتك ، وماذا تقول؟؟

Aony23:
مدينة الرمثا شو اقول؟؟؟ اقول شعور لا يوصف؟؟
منتديات أهل الرمثا: سولف وخذ راحتك
اتى تلفون للأخ عوني في هذه اللحظة وهرب من المكان شكلو المدام ههههههه ولكنه عاد بسرعه

Aony23:
أقل ما فيها بنقول عن الرمثا انو الرمثا في القلب وفعلا يا اخواني يعجز الكلام عن وصف مشاعري العميقة لبلدي وأي هوشه عشان الرمثا بركض حافي
منتديات أهل الرمثا:
من مين التلفون اللي أجاك قبل شوي؟؟

Aony23:
أطعج!! شو اقول؟؟؟ من الوضع بس حكيتلها احكي معي بعدين
منتديات أهل الرمثا:
ما رأيك لو تحدثنا عن موقف طريف في حياتك؟؟
عوني عض على اصابعه في البداية وصفن!! شكلو مخبص ههههههه

Aony23:
موقف طريف تني اتذكر!! بصراحة مش متذكر
منتديات أهل الرمثا ترا بدهوش يقول عشان ما نفضحو ههههههه
منتديات أهل الرمثا:
ما رأيك بالعلاقات بين الناس بشكل عام والصداقات والزمالات في العمل بين الجنسين؟؟

Aony23:
كلياتهن؟ بصراحة العلاقة وهاي الامور انا بنبسط فيها وبحب يكون الي علاقات لانو مش شرط علاقة حب او علاقة مع انثى (فياعه) الزماله عندي والصداقة ايضا برأيي الشخصي أفضل من ... يعني افضل من الاخوه، يعني بقدس هذه العلاقات
منتديات أهل الرمثا:
ان اعطيت تذكرة سفر لاي دولة عربية اين تسافر ، ولماذا؟

Aony23:
بسافر على الامارات العربية المتحدة وخصوصا دبي ، لاني زرت امارة دبي ورحت عند اهلي وقعدت شهرين وكانت فعلا فوق الوصف واعجبتني كثيرا
منتديات أهل الرمثا:
ما هي أمنيتك في الحياة؟؟

Aony23:
امنيتي ان اطور شغلي واامن مستقبلي ومستقبل أهلي واعيش مبسوط

[/size]

منتديات أهل الرمثا:
اذكر الصفات التي تحبها وتكرهها في نفسك؟

Aony23:
الصفات اللي بحبها، اني هادي اغلب الاحيان ومثابر بشغلي وعندي صبر وجلد في العمل ومرح ومزيح و مؤدب ومش كل اشي بستفزني وبقهرني وبس
اللي بكرهها، مرات بكون عصبي كثير وصوتي بطلع وبعلى وبس

منتديات اهل الرمثا:
جميل جدا! شو اكثر شغلة بتحبها بالبنات واكثر شغلة بتكرهها بالبنات؟؟؟

Aony23:
بحبها، ممكن ما بتنطبق على كل البنات، الذكاء والهدوء وجمال الروح والنعومة
بكرهها، هو في اشي بنكره بجنس حوا؟؟؟ ما فييييييييييييييش (عوني نسونجي)

منتديات أهل الرمثا:
ماشي، اكثر خبر ازعجك واكثر خبر ابسط في حياتك؟؟

Aony23:
ابسطني، اني بعد فترة مش طويلة رح اسافر على استراليا انشاءالله
ازعجني، وفاة عمتي الغاليه

منتديات أهل الرمثا:
الله يرحمها

Aony23:
تعيش

منتديات أهل الرمثا: ومن قال عاش

منتديات أهل الرمثا:
شخص بتحب تتصبح وتتمسى فيه وتشكيله همك ، مين هوا؟؟

aony23:
ابن عمي مصعب الزعبي

منتديات أهل الرمثا:
أخي عوني بتحب انو امك وابوك يتدخلو بامورك الشخصيه؟؟ ليش وشو الامور الي بتظن انو لازم الابوين يتدخلو فيها؟؟

Aony23:
والدي ووالدتي ما بتدخلو في اموري بس في حدود المعقول لانو بسمع رأيهم بس اذا كنت مقتنع باشي بمشيه
هنا رن تلفون عوني للمره الثانيه!! وضعه لوووووووووووووز و "الوضع" كما سماه مش صابر عليه، عوني محكوووووووووووم

منتديات أهل الرمثا:
من وجهة نظرك

رد رن تلفون عوني للمرة الثالثه ورد هرب خارج المكان وهو بضحك الله أكبر مش صابره عليه نص ساعه يخلص هذا لما يتجوز ما بطلع من الدار ترا ههههههههه

ونكمل، من وجهة نظرك من تفضل من اعضاء المنتدى؟؟ افضلهم؟؟ اكثرهم ذكاءا؟؟ اصحاب المواضيع النارية؟؟ تحترمهم؟؟ تتمنى مقابلتهم؟؟ تتجلى بالردود عليهم؟؟

Aony23:
افضل من اعضاء المنتدى صالح كراسنة
افضلهم، في كثير وكل الشباب والصبايا خير وبركة
اكثرهم ذكاءا، محمد منايصه
اصحاب المواضيع النارية، MRMR وأشرف_السقار ومهند_السقار
تحترمهم، الجميع دون استثناء
تتمنى مقابلتهم، محمد هاشم طويق ، حمودة الشرع، MRMR
تتجلى بالرد عليهم، محمد هاشم طويق

منتديات أهل الرمثا:
ما رأيك في:
الحب
الصداقة
الخيانة
الغدر
الطشات
المنتدى
النكت
الشلة
الرمثا

Aony23:
الحب، اشي حلو بس ما بأمن بيه كثير مثل الصداقة
الصداقة، افضل شيء عندي
الخيانة، الله يبعدنا عنها
الغدر، الغدر؟؟ الله يبعدنا عنو وانشاءالله ما يتواجد بيننا لا غدار ولا خاين
الطشات، يا سلااااااااااااااااااااااام بموت على الطشات بدنا طشه لجميع اعضاء المنتدى
المنتدى، المنتدى اشي صار جزء من حياتي
النكت، بتفضفض البال وبتنسي الواحد همومو لفتره محدده
الشلة، الشلة؟ انا بحب يكون عندي شلة واصحاب مميزين وخلص
الرمثا، كل اشي بحياتي والواحد ما بنسى ولا بتخلى عن اصلو

منتديات أهل الرمثا:
واخيرا وليش اخرا نشكر العضو ورئيس المراقبين الشفاف والخلوق والمبدع وصاحب الابتسامه والحضور الدائم الاخ العزيز عوني الزعبي على سعة صدرة وردودة وكلامة الذهبي ووقته ونتمنى له حياة رائعة مثله ونتمنى له دوام الصحة وشكرا أخ عوني

Aony23:
خجلتني يا مهند، وشكرا الك وعلى المقابلة وسلامي الى جميع الاعضاء بالمنتدى الغالي

[size=21]هنا اعزائي افتح الباب لجميع الاعضاء للاسئلة للاخ عوني ودمتم بخير

يعطيك ألف عافية يا اخ مهند والله ابدعت
ويعطيك العافية يا عوني

مقابلة عن جد إستمتت و أنا أقرأها لأنها عن جد بتشفي الغل من الطرفين
يا عمي عليك يا عوني هادييييييييييييييييييييييييي للآخر
عقبال العزابية

مشكورة جهودك يا مهند

آمـــــــــــــــــــــــــــــــــيــــــــــــــــــــــــــــــــــــــــــنــــــــــــــــــــــ

الله يخليك يا أشرف ................

و انت كمان يا أبو طويق تسلم كثير .............

سلام
مشكووووورررررررررر يا اخ مهند على هذه المقابله
عن جد اشي من الاخر
وبحسدك يا اخ عوني على هذه الشخصيه اللي عندك
وبالتوفيق ان شاء الله والى الامام
وبتمنى انه يتحقق الك كل اشي بتتمناه
وبحكي مثل ما قال الاخ محمد هاشم طويق عقبال العزوبيه هههههههههه
تحياتي

على راسي يا ابو جراوره ............

والله يخليك يا رب ...............