كيفكو شباب.
سمعت في انطلاقة جديده و حلو دايما لتطوير. و كان عندي اقتراح, و هو انو أكيد لشباب الرماثنه منتشرين بكل العالم و بشتغلو بأهم الشركات و ما شالله عليهم بشرفو و ين ما لاقيتهم و أكيد من خلال مواقعهم بنطلب منهم تعيين أشخاص بوظايف بشركتهم و عادة بكون مضطرين و مستعجلين مشان هيك ماعندهم وقت كثير يدورو. و أكيد القريب أحسن من الغريب. الاقتراح انو نعمل جزء في المنتدى لتحميل السير الذاتية للشباب الرماثنه و نعمل لهذا الموضوع اعلانات بالرمثا و عل مواقع بالنت و هيك بنزيد عدد اللي بترددو عل موقع عشان يحملو سيهم الذاتية و بنوفر لأي شب رمثاوي عندو فرصه توظيف يدور بالمتدى تبعنا وبسرعه بلاقي طلبه و بتواصل معاه. طبعا عشان انا تخصصي تسويق بفكر من خلال شغلي. هيك موضوع بعمل شهره لمنتدانا و لما يكون عدد زوار للموقع كبير بصير مغري لأي حدا بحب يستثمر بالرمثا أو عنده استثمار بالرمثا إنو يحط اعلان الو ع منتدى لانو بضمن كثير ناس تشوفو و من خلا الدخل اللي بيجي من هاي الاعلانات بنطور المنتدى و بنروجه و بنوصل لكل الرماثنه. بصراحه أنا مش كثير بعرف عن المنتدى فيمكن أكون فهمت شي غلط . ياريت أسمع تعليقاتكم و مناقشاتكم( هاد الموضوع مهم للرمثا كلها عشان نخلصها من البطاله.
الأربعاء أبريل 23, 2008 7:16 pm
