[ محراب الصّمت ] / نبطي

يزرعني سؤالٍ في تفاصيلـي تفاصيلـه

يبددني على درب الحكي أمشي على مهلي

شياطين الحزن تنهش بقايا فرحتي غِيلَـة

نساني كل شي إلا الضياع المرّ يندهلـي

شرب وجه الحكاية زيف / زمّلني بترتيله

قراني للدروب السمر أضاء بعتمته جهلي

وإذا مات الحكي فيني ..
وصاح الصمت
بشفاهي ..
نحرت الجرح باطراف التعب
واشعلت قنديله
.
.
.

واناديله :

قم رتّل سطور الحنيـن بآيـة

قبل يتوارى طيرها من عشّـه

يازامرٍ ماعـاد يُطـرب نايـه

ظهر المواجع / انكسر من قشّه

شرّعت لفصول الغياب حكايـة

هزيت من جذعه أماني هشّـه

ذنب المرايا / تحتويه غوايـة

تنفض ملامح عبرته / وتغشّه

.
.
وتربكنِي تَنَاهِيدِي ..
ويسِيل الليل بأهدَابِي
وأعَاهدنِي
أخبِيهُم عَن اضلاَعِي
وأخبِينِي
واتَمتم فِي هَزيِع الليل ..
تعويذَة حزن بَادِي
وأعيَادِي
غَدَت أشْبَاح تسْكنّي
وأسْكِن فِي ... / حَنَايَاهَا
غِصِنْ ذَابِل
جسَدْ نَاحِل
وقَلبٍ فَارَق أحبَابَه

جيت باشرح للمسا / عن دمعتين وغابـة

والغمامة عنـد شبـاك السمـا معطوبـة

جيت والذكرى تحـدد خطوتـي المرتابـة

تفتح عيـون الغيـاب وتكتسـي بذنوبـه

اقتسم معها رغيف الصّمت فـي محرابـه

والعطش ريقي / وزفرة دمعتـي مسلوبـة

طحت من عين النهار وما حسبت حسابـه

ضعت بين الهم والماضي وسـود دروبـه

يا عذابي / والدهر خطـوات مـا تتشابـه

يا عذابي / والتعب باطرافـي المصلوبـة

ينحني غصن الفرح والبـرد بيـن ثيابـه

لا سقاه الغيم / ملّ الغصـن حتـى ثوبـه

يا سحابة والطريق / الليل يوصـد بابـه

بعثري طيش المسا قبـل الظـلام يشوبـه

آخر الغربـة حنيـن و دمعتيـن وغابـه

جيت ب اشرحها وخذاها الحزن في غيبوبة

الله الله الله عليك يا صامت
مشكوووووووووور

الصمت افضل في كثير من الاحيان
مشكوووووووووورين عالمرور