مصطلحات رمثـــــــــــــــــــــــــــــــــــــــــــــاوية

- : هتور ، برطم ، اتدعثر بلسانه

- اتدعثر : اتشركل

- إسًّلقط : زته دائرية

- كرّت : ظله مهوِّر

- جفط : مسبه بتمصخ

- شلاطيف : براطم

- زخربه : دخلة

- معميchيه : اتchعبل للأوادم

- أَزقط : إقظب

- الدبة : البوسنا والهرسك تبعت الرمثا

- chخ : إذبح

- أبقط : ابخش ، اخزق

قُط : 1 – بس بيماوي

-كرع: بمعنا هدم آو هدمها

_ أل سنسله : وهي السياج من الاحجار

_جفجير: وهو الملعقه الكبيره

امزعه جف: اي ضربه كف

_ اشقط: شوت امعط

_ ابو شدوق: يعني دلاغمه ( نياعه ) كبار

_ الجطله_اي اليد اليسرى

_ صلاحيه: وهو الشاف او الذي يوضع فيه الماء للشرب او الابريق

_اسدل : بمعنى الاهبل و قليل العقل في آنٍ واحد

_صابه:وهي الطوريه الي يزال بواسطتها التراب ، قاطولة

-أفنch : أبلى بلاء حسنا

- خاشوقه : الملعقه

- زنوبه : ليست ملكة سبأ .انما الحفاية الرقيقة

- شحويطة : حفاية مشلخة

- اتورشع : اتجربد ، اتعربش ،قظب.

- مصخ : عزّر

- زت : ور ، اعزق

- Chعبل : دلعch

-

- زطم : سكَّر

- طُعمُزِّه : اشي زغير

- بلهط هيطلية : بوكل إشي بيتاكل ( بلا قافية ) (فيصلية )

- زطمه : طُعمُزِّه للزطم

- إمممماchكَه : امباوسه

- مفخُّي : قاعد قعده مش مزبوطة

- طيح : إنزل ، أُحدُر

- حاكورة : مكان لقاء الأحباب بالسرقة

- اكفتَّه : وقِّعها

- جبِّع : chعبل وصبِّر فوق بعظه لتكوِّن صبَّور

- برررراو : عفارم عليك

- إCHلح : عينه كسيره

- إchرت : مchرتم

- حشبشوش : إشي أبصر شو دينه

- سوسحة : حوس

- بيحولص : بلفلف

- بيتظبّع : بيتلبّد ، بيتلصلص ، بيتسرسر

- مازيات : قلول ، دواحل

- أبو الخمايم : خام جداً

- أدوات النداء : هلول ، هلّاك ، هظحني

- بُع : مشي الكرت غصبن عنّك يا كلب

- إchُلكُم : تخبيص

- صرصعه : دوشه

- مردغه : فعفله

- حاطوطه : تحميله

- الطبابه : المركز الصحي اللي بالحاره

- مسليكه : مسلكيته ( بالعربي : بسكليته )

- سchِّه : إشي مش طعمَزِّه يستخدم لتثبيت الشيك

- موقِّل : ملئ بالقمل

- مصيبن : مليء بالصيبان

- منجطل : جلسته مش على مستوى القعده

- بدهـch : مش مصلي على النبي و هو يوكِل

- مصندح : معنعن تعنعن

غوج: مهوّي ، ولا حبِّه ، طوس

- Chيchحه : دغري

- بغدا : بيصير

- امسات : past tense أي في الماضي (وقت قريب )

- خاثر : رايب ( لبن)

- مصنchب : بوجع بلا قافية

- محقان : هو الشيء الذي له طعمزة

- سطلية : هو الشيء الذي يوضع فيه السمنة

- كُرِّيزية : لعبة كانت عند جدي

- جاعص : مر ch ي قص

- احدروا جاي : أي بمعنا تفضلوا

- جنقلة : مصخرة

- زقمه: أي بوزه (وجهه)

- تلعلع: الورق بجنن

- قزعة: قصيرة القامه

- سمردح : أي جعلها ميمعه

- لشقه : ضربه بقفا يده

- غجّه: لتّه لت

- نهنهه : عذبه

- نملية : هي شيء مربع واحيانا مستطيل يوضع فيه كراكيب البيت

- ساطرة :وهي ايضا تاتي مربعة واحيانا مستطيلة وانما يقفل عليه بالمفتاح

- يزطم : أي بمعنا بيسكر بالمفتاح

والله على راسي الـــــــــــــــــــــــــــــــــــــــــــــــــــســــــــــــــــــــــقار

مصطلحات رمثاوية طقععععععععععععععععععع

الله محيي أصلك على هالكلمات اللي بتعبي الثم و بتعطي المعنى الكامل
مصطلحات حلوة

شو هاي الكلمات يا فلاحي ؟؟؟ شكله أبوك مأصل فيك المصطلحات النخوجية
بس مصطلحات جخة و ما عليها أي تعليق

محمد هاشم طويق كتب:: شو هاي الكلمات يا فلاحي ؟؟؟ شكله أبوك مأصل فيك المصطلحات النخوجية
بس مصطلحات جخة و ما عليها أي تعليق

وبعدين ..

في شي مو طبيعي

بلا هالكلام اخوي محمد طويق .. عيب هيك والله

يسلمو .. انا عنجد محرومة كتير من هالكلام .. ما كتير بعرف فيو

والله ع راسي انك يا سقار

مشان الله انت شو ؟؟ ما حدى بحكي غيرك و أكيد العيب فيك مش فيي لأن ما حدى بنتقدني غيرك
و قولي شو حكيت شيء خطا ؟؟؟

والله إنك على راسي
فعلا الكلمات هاي بتخلي الواحد يحس إنه رمثاوي
والمشكلة الواحد لأنه بالغربة بطل يسمعها كثييير
الله يعطيك العافية

مشكووووووووووور على الموضوع الرائع بنتظر جديدك

هههههههههههههههههه
كلمات بتضحك لازم الرماثنه يحسنو شوي من اللفاظ هاي
مع اني ما بسمعها كتير بس الرماثنه بحبو يفضحوا حالهم الله بعين

شكرا للجميع على المرور وصراحة ما كنت حابب اضيف بعد الكلمات اللي حطيتها
angel_lolo اختي العزيزة
كلمات بتضحك؟؟ اول شي حكي الرماثنة اروع لهجة بالعالم وبحسها اكثر لهجة بتعبر عن كل شي لا هي خفيفة كثير زي المدن والواحد مرات بستحي يقولها قدام الكبار ولا ثقيلة كثير زي البادية ونص الحكي ما بنفهم

ما بتسمعيها كثير؟؟؟ والله اظن انو هضول اكثر كلمات متداولة بين الرماثنة وكل يوم بسمع ثلث ترباعهن وبجوز اني براسي بقولهن كل يوم وبسمعهن ههههههههههههههههههه

بنحب نفضح حالنا؟؟؟ والله يختي احنا الرماثنة بالعربي كمان شوي بنبطل نشوف حدا بعيننا مش كبرة لا سمح الله ولكن الحمدلله مش ناقصنا اشي وكل اشي متوفر ومبسوطين ومنضحك دايما رغم انو الظروف عمالها بتصير صعبه

واخيرا هلا ابو جراروه وحياك الله
Smile

كلامك برفع الراس للسماء يا مهند و انت اسم على مسمى
لأن اسم مهند يعني السيف المصنوع بالهند و هو من أجود السيوف
و انت من أجود أصناف الناس
و الرمثا عز و فخر و كل شيء ممكن الواحد يفتخر بيه
الله حييهم النشامى

لا في بعض المصطلحات الرمثاويه مش حلوه تنقال
وادا كمان كمان شوي بتبطلو تشوفو حدا بعينكو بتصر كبره كتير بالنسبه انا شايف الرماثنه متطورين كتير والكلمات هاي بطلو يستخدموها ممكن انتو الشباب بتستخدموا
بس الواحد لازم يحسن طريقت المصطلحات لانو نحنا مش ب ايام جدي وجدتي كل ناس واللهم عصرهم وحكيهم

اختي العزيزة

المصطلحات مش حلوة تنقال؟؟ ليش؟ عيب ولا حرام؟؟ شايفيتنا منحكي ولا بنهتور او بمعني حديث بنحكي حكي مش مفهوم؟؟؟ Smile

ومش انو احنا شايفين حالنا متكبرين !! لا يا اختي احنا شايفين نفسنا انو وضعنا موتاح ومبسوطين واسهمنا دائما عاليه والحمدلله وسمعتنا بترفع الراس وين ما نروح

ويا اختي حكي الرماثنة مش مرتبط بايام جدي او جدتي هاذ ارث منتوارثو من جيل لجيل وبنفخر ، هسه انتي ما بتفتخري باجدادك؟؟؟ انا بالنسبة الي هذول عقال الراس وبرفع ورافع راسي فيهم

وليش بدنا نحدث مصطلحاتنا؟ ناقصها اشي؟؟ والله كمان شوي بدي اعمل قاموس للرمثا هههههههههههههههههههههههه

لا تزعلي مني اختي انتو بنات الرمثا اللي بنرفع راسنا فيكو ومصطلحاتنا مش محصورة على انو شباب الرمثا يقولوهن او البنات Smile

احلا شي الاch والله لغة بعتز فيهااااااا للممات

تسلم كلمات بتجنن

والله يا ابو طويق صاحب واجب دايما وعلى فكرة مهند اخوي هه بس مو للتشر بعدين ليش يا اخوان بنتكبر على لهجتنا اصلا الناس بغارو منا عشان بنعتز بلغتنا كثيييييييييييييييير وهي ارثنا اللي بنعتز و بنفتخر فيه بين الناس انا مش ضد انه نحسن لهجتنا بس بنفس الوقت ما ننستعر منها رجاءا كلت=نا اخوان وبنموت عالرمثا

واحلى شي امورة الرمثا اللي مبسوطة كثييييييييييييييييييييير على اللغة والله لغتنا انا محسودين عليها يا اخوان فليش ما بنعتز فيها مشان الله

طيب الباطوس
ترى انا ماشفت اذا انت كاتبها
نضري خفيف
Smile

مشكوووووووووووور يا وحش ..............

باطوس أو بيطوس تتعدد في اللفظ ولكن المعنى واحد وهي بركة الماء الصغيرة ههههههههههههههههههههههه

اللي حابب يستفسر عن اي مصطلحات ما انكتبت يحكيلي ترى قربت اعمل قاموس

ههههههههههه بتعرف انو الواحد لما يقطع المثلث الناس لما يحكي كلها بتقول شو بسولف هاد والله انا عنا حكي والله بده شيفره جد مشفر للرماثنه هههه

و الله اللي مش عاجبه هلي الكلمات ايروح يشرب من المحيط