الأغاني التراثية5

المهاهاة: وهو غناء خاص بالنساء وتعقب كل واحدة من القفلات زغرودة


هوي يا خي محمد لبس الجوخ يلبقلك
هوي ياللي غزال الحلا نقلوا علي نقلك
هوي واحتارت الناس في شورك وفي عقلك
هوي ياريت عشرة من القيمان فدو دقنك

هوي يا خي محمد لبس الجوخ كلولك
هوي ياللي غزال الحلا طولو علي طولك
هوي واحتارت الناس في شورك وفي قولك
هوي ياريت عشرة من القيمان فدو طولك

هوي بالواد التقيت السبع بالواد
هوي عدو بيني وبين السبع ميعاد
هوي ياخية محمد يا نجمة تضوّي
هوي والعقل في الراس يسوى محكمة قاضي

هوي يا خي محمد يانوارة الصفين
هوي يا سيسبان الخلا يا سبع نص الليل
هوي ريت اللي يكرهك يبلاه بحال الويل
هوي ويموت غريب ويجرّوه في ذناب الخيل

هوي يا خي محمد يا خاتم سليمان
هوي اندق في حلب وارتجت الشام
هوي وارتجت الشام وارتجت علاليها
هوي حتي السلاطين قامت عن كراسيها

هوي يالاولاد الثلاثة يارب خليهم
هوي بتمايلو بالقنا جوا علاليهم
هوي طل ابوهم من الشباك يلاغيهم
هوي قال هذول ولادي يارب خليهم

هوي طاحت النخلة تميل تميل
هوي وارمو عليها مناديل الحرير
هوي يا نخلة مين رباكي
هوي رباني ابو محمد ريت عمرو طويل

هوي وافتحو باب الدار
هوي خلي المهني يهني
هوي وانا طلبت من الله
هوي ما خيب الله ظني

هوي صبر قلبي ولا قصّر
هوي وانحل حبل الجفا من بعد ما تعسّر
هوي وحياة من ليه نجوم الليل تتفسّر
هوي وانا حزينة على هاليوم بتحسّر

هوي لا هو بقول النذل ولا بقول اللاش
هوي ولا بقولك يا نذل ترخص بنات الناس
هوي ولا هو بقولك يا موكوس توكسنا
هوي واحنا زي القمر وكل الناس تعرفنا

هوي والسبع بركات هوي يا ريتها مبروكة
هوي على جبل عرفات هوي كما بارك محمد

هوي يا فرحتي اليوم
هوي بدر من الله واللا حلم في النوم
هوي كل المحبين أجو يهنوني
هوي أما المبغضين يبعدوعني ولا يجوني

هوي الله أكبر على حجلٍ رأيتو اليوم
هوي في رجل بيضة غريبة وقايمة من النوم
هوي لو صابحتني يا عز الصباح اليوم
هوي وان قابحتني هيّولي الكفن ياقوم

في زفة العريس ، وهذة الأغاني رلا زالت تردد حتى يومنا هذا في الأفراح والأعراس
درّج يا غزالة يارزق الحلال
درج يا حبيبي ريتك من نصيبي
تلولحي يا دالية يا ام غصون العالية
تلولحي عرضين وطول تلولحي لقدر اطول
يلعن أبو المدارس غلّن مهر العرايس
يلعن ابو الجامعات غلن مهر الطالبات
يام الثوب ال طرزتية حطيتي البلاوي فيه
وعن جويزك خبيتيه في نص الليل تعالي خذيه
يام الثوب حزامو زم ضميني بحضينك ضم

الهيلمان الهيلمان

الهليمان على تمو تمو يا خاتم سليمان
الهيلمان على طولو عودو يا طول الريحان
الهيلمان على عيونو عيونو يا فتحة فنجان
الهيلمان على شعرو شعرو يا ريش النعام
الهيلمان على سنو سنو يا لولو ومرجان



يردد اللويح ويرد الشبان والعريس في الوسط

كنت أعزب داير مجنون

بلعب بين الشبّان

قاللي عقلي واتجوّز

وإخزي عين الشيطان

قسمة نصيب أخذت الزين

حبل الزين وجاب غليم

وصار يقوللي يابابا

بدي حلاوة منفوشة

مديت ايدي ع الجيبة

لقيت الجيبة منكوشة

ومنو منو صار الغوش

وع السرايا ودوني

ألف عصاية ضربوني

صرت أنادي يللي فوق
إرحم عبيدك يللي فوق

ويا ثعلب ويا مكار

وايش دلّك ع باب الدار

دلني ما دلني

دلني ابن عمي النمس

اللي لفتو قنطار